Украінскія вайскоўцы выкарыстоўваюць новую тактыку палявання на расейскую тэхніку

• 10.02.2025, 16:29

На акупантаў уладкоўваюць незвычайныя засады.

Марскія пяхотнікі 810-й брыгады марской пяхоты Чарнаморскага флоту Расеі паскардзіліся на новую тактыку Узброеных сіл Украіны ў пытанні палявання на варожую тэхніку.

Адпаведным відэа падзяліліся ў маніторынгавым Telegram-канале «Крымскі вецер».

«Марскія пяхотнікі севастопальскай 810-й брыгады знялі на відэа новую тактыку, якую выкарыстоўваюць украінскія вайскоўцы на Курскім кірунку», - пішуць аўтары канала.

Сутнасць гэтай тактыкі палягае ў тым, што робат папярэдне хаваецца на абочыне і чакае ў засадзе расейскіх акупантаў.

«Дрон хаваўся ў засадзе каля дарогі і, як толькі расейскі аўтамабіль наблізіўся, імгненна атакаваў», - гаворыцца ў паведамленні.