«Сябры Пуціна» дамовіліся без Крамля

• 11.02.2025, 18:28

Турцыя і Туркменістан уклалі ўгоду аб пастаўках газу праз Іран.

Турцыя і Туркменістан падпісалі пагадненне аб спрашчэнні паставак туркменскага прыроднага газу ў Турцыю, піша New Voice.

Гэта стала важным крокам у энэргетычным супрацоўніцтве паміж дзвюма краінамі, заявіў 11 лютага міністр энэргетыкі Турцыі Алпарслан Байрактар. З яго слоў, угода паміж турэцкім дзяржаўным аператарам трубаправодаў BOTAS і туркменскай кампаніяй Туркменгаз накіраваная на тое, каб пачаць пастаўкі газу 1 сакавіка.

Турцыя спажывае больш за 50 млрд кубаметраў газу за год. Яна спадзяецца на пастаўкі трубаправоднага газу з Расеі, Азербайджана і Ірана, а таксама імпарт ЗПГ ад розных пастаўшчыкоў.

«Дзякуючы гэтаму пагадненню, над якім мы працавалі шмат гадоў, мы яшчэ больш прасунем стратэгічнае супрацоўніцтва паміж дзвюма краінамі, адначасова ўмацоўваючы бяспеку паставак прыроднага газу ў нашу краіну і рэгіён», - заявіў Байрактар.

Раней ён заяўляў, што Турцыя можа закупляць у Туркменістана да двух млрд кубаметраў газу за год, пры гэтым чакаецца, што газ будзе транспартавацца праз існую газавую сетку Ірана.

Канкрэтныя звесткі наконт аб'ёмаў газу, які будзе пастаўляцца ў рамках новай дамовы, і дакладныя ўмовы транзіту праз Іран не выдаюцца.