Украіна ўмацоўвае абарону на мяжы з Беларуссю

• 11.02.2025, 18:55

Кіеў заявіў, што паўночны кірунак застаецца крыніцай пагрозы.

Украіна пачала ўмацоўваць абарону на мяжы з Беларуссю.

Аб гэтым заявіў прадстаўнік Дзяржаўнай пагранічнай службы Украіны Андрэй Дземчанка ў эфіры нацыянальнага тэлемарафона.

«Гэты кірунак застаецца для нас крыніцай пагрозы. Ён з'яўляецца прыярытэтным для ўзмацнення абарончых магчымасцей, у тым ліку стварэння інжынерных умацаванняў. У прымежных абласцях будуюцца і пашыраюцца лініі фартыфікацыйных збудаванняў», - адзначыў Дземчанка.

Ён таксама паведаміў, што работы будуць праводзіцца на ўсёй працягласці граніцы з Беларуссю. З яго слоў, цяпер на рубяжах не назіраецца перамяшчэння тэхнікі або асабовага складу.