Падчас матчу Сабаленкі на турніры ў горадзе Доха на корт выбег кот

• 11.02.2025, 20:56

Фотафакт.

Незвычайны інцыдэнт адбыўся цягам матчу трохразовай чэмпіёнкі турніраў «Вялікага шалома», лідаркі сусветнага рэйтынгу беларускі Арыны Сабаленкі з расейскай тэнісісткай Кацярынай Аляксандравай у другім коле турніру катэгорыі WTA-1000 у горадзе Доха (Катар).

У другім сэце пры ліку 2:2 (30:40) на падачы расейкі на корце з'явіўся кот. Паўза ў матчы праз незвычайнага госця склала менш за хвіліну, кот сам пакінуў корт.