Сабаленка вылецела ў другім коле турніру ў горадзе Доха

• 11.02.2025, 21:59

Беларуская тэнісістка вяла ў ліку, але пацярпела паразу.

Першая ракетка свету Арына Сабаленка саступіла ў сваім першым матчы турніру катэгорыі WTA-1000, які на гэтым тыдні прымае Доха. У трохсэтавым паядынку беларуска не справілася з расейкай Кацярынай Аляксандравай – 6:3, 3:6, 6:7.

Турнір у горадзе Доха закончыцца 15 лютага. Прызавы фонд спаборніцтваў складае $3,6 млн.

Спаборніцтвы катэгорыі WTA-1000 саступаюць у прэстыжнасці толькі «Вялікаму шалому» і Выніковаму турніру.

Як паведамляў Charter97.org, падчас матчу Сабаленки на корт выбег кот.

Нагадаем, у горадзе Доха выступала і беларуска Вікторыя Азаранка, якая вылецела ўжо ў першым коле. Сабаленка ў 2025-м перамагала на турніры ў Брысбене і была фіналісткай Адкрытага чэмпіянату Аўстраліі ў Мельбурне.