ЗША вызвалілі расейца з турмы

• 12.02.2025, 15:14

Адбыўся абмен.

Амерыканца Марка Фогеля выпусцілі з расейскай турмы ў абмен на вызваленне расейца, зняволенага ў ЗША. Пра гэта заявіў расейскім СМІ ў сераду, 12 лютага, прэс-сакратар прэзідэнта РФ Дзмітрый Пяскоў.

«За апошні час па лініі адпаведных ведамстваў была інтэнсіфікаваная праца, былі кантакты, і вынікам гэтых кантактаў стала вызваленне Фогеля, а таксама аднаго з грамадзян РФ, які цяпер утрымліваецца ў месцах пазбаўлення волі ў ЗША», - цытуе Пяскова «Інтэрфакс».

Называць імя расіяніна прэс-сакратар Пуціна не стаў, але паведаміў, што той «днямі таксама будзе вернуты Расеі». «Такія дамоўленасці наўрад ці здольныя стаць пераломным момантам, але ў той жа час па кроплі гэта пэўныя крокі ў нарошчванні таго самага ўзаемнага даверу, які зараз знаходзіцца на найніжэйшым пункце», - дадаў чыноўнік.