Новы кіраўнік Мінфіна ЗША наведаў Кіеў

• 12.02.2025, 20:27

Ён сустрэўся з Зяленскім і перадаў Украіне першы драфт пагаднення аб партнёрстве.

ЗША перадалі Украіне папярэдні дакумент пагаднення аб партнёрстве ў здабычы карысных выкапняў. Пра гэта заявіў прэзідэнт Украіны Уладзімір Зяленскі пасля вынікаў сустрэчы з міністрам фінансаў ЗША Скотам Бесэнтам, паведамляе «Інтэрфакс-Украіна» ў сераду, 12 лютага.

«Мы казалі пра карысныя выкапні… Я ведаю, што нашай камандзе перадалі першы драфт гэта адпаведны дакумент аб партнёрстве паміж нашымі краінамі. Я вельмі хачу, каб нашая каманда перапрацавала гэты дакумент. Гэты дакумент мы атрымалі сёння, мы… зробім усё, каб нашыя каманды маглі сапраўды вельмі хутка дамовіцца і падпісаць гэты дакумент», — адзначыў Зяленскі.

Скот Бесэнт з'яўляецца самым высокапастаўленым чыноўнікам новай адміністрацыі ЗША, які наведаў Кіеў з моманту інаўгурацыі прэзідэнта Дональда Трампа.