Спроба штурму пазіцый УСУ з боку акупантаў сарвала ратацыю экспертаў МАГАТЭ на ЗАЭС

• 13.02.2025, 19:34

Відэа.

12 лютага 2025 года акупанты сарвалі ратацыю прадстаўнікоў МАГАТЭ на захопленай Запарожскай АЭС.

Пра гэта паведамляе Галоўная ўправа выведкі Мінабароны Украіны.

«12 лютага 2025 года штурмавыя групы расейскага акупацыйнага войска ля сяла Каменскага Запарожскай вобласці ў колькасці 13 захопнікаў раніцай атакавалі пазіцыі Сіл бяспекі і абароны Украіны.

Спроба штурму з боку расейскіх акупантаў фактычна сарвала міжнародныя дамоўленасці аб ратацыі тэхнічных экспертаў МАГАТЭ на часова захопленай Запарожскай АЭС - іх запланаваны маршрут пралягаў ва ўказаным раёне», - гаворыцца ў паведамленні.

Штурмавыя дзеянні маскавітаў з ліку 135 мотастралковага штурмавога палка 19 мотастралковай дывізіі 58 арміі паўднёвай вайсковай акругі СССР, якія сарвалі ратацыю прадстаўнікоў МАГАТЭ, сведчаць аб чарговым наўмысным і паказальным грэбаванні дзяржавай-агрэсаркай расеяй.

«Страты баявых пазіцый з прычыны варожых штурмавых дзеянняў Сілы бяспекі і абароны Украіны не дапусцілі», – дадалі ў ГУВ.