Кэнэдзі-малодшы стаў міністрам аховы здароўя ЗША

• 13.02.2025, 21:09

Ягоную кандыдатуру зацвердзіў Сенат.

Сенат ЗША канчаткова зацвердзіў кандыдатуру Роберта Ф. Кэнэдзі-малодшага на пасаду міністра аховы здароўя і сацыяльных службаў.

Пра гэта паведамляе газета The Washington Post у чацвер, 13 лютага.

Кандыдатуру Кэнэдзі-малодшага падтрымалі 53 сенатары, супраць прызначэння выступілі 47 сенатараў.

Як адзначае WP, экс-кандыдат у прэзідэнты ЗША стане кіраўніком вялізнага ўрадавага апарату, які адказвае за праграмы медыцынскага страхавання, бяспеку нацыянальных паставак лекаў і прадуктаў, а таксама рэагаванне на ўсплёскі інфекцыйных захворванняў.