Кіраўнік МЗС Польшчы адказаў на хамства Рыжанкова

• 4.02.2025, 13:29

Польскі міністр коратка адказаў лукашэнкаўскаму чыноўніку.

Міністр замежных спраў Польшчы Радаслаў Сікорскі нагадаў кіраўніку МЗС Беларусі Максіму Рыжанкову аб умовах вяртання да дыялогу. Заява зроблена ў сацсетцы Х у адказ на хамства Рыжанкова ў бок Сікорскага пасля так званых выбараў у Беларусі.

Радаслаў Сікорскі адрэагаваў у Х на тэкст у выданні Wprost, дзе апісваліся рэзкія заявы міністра замежных спраў Беларусі, якія ён зрабіў у адказ на асуджэнне польскім МЗС электаральнага фарсу ў Беларусі.

"Беларусь ведае ўмовы вяртання да дыялогу", - напісаў Радаслаў Сікорскі.