Ва УСУ рыхтуецца маштабная ратацыя

• 4.02.2025, 15:35

Першая з пачатку поўнамаштабнай вайны.

Гетман УСУ Аляксандр Сырскі загадаў перавесці ў Наземныя войскі амаль 50 тысяч вайскоўцаў усіх родаў і тыпаў войск з мэтай пачатку працэсу ратацый, паведамляе «Украінская праўда» са спасылкай на суразмоўцу ў Генштабе УСУ.

Журналісты сцвярджаюць, што гаворка ідзе пра перавод прыкладна 50 тысяч вайскоўцаў, што складае амаль 20% усіх украінскіх вайскоўцаў, якія зараз знаходзяцца непасрэдна на фронце.

Гэта робіцца з мэтай пачатку першай за тры гады поўнамаштабнай вайны ратацыі, зазначае выданне.

«Нам трэба гэта зрабіць, каб запусціць механізм ратацый. Таго рэсурсу, які зараз вучыцца ў навучальных цэнтрах, дастаткова толькі на мінімальнае папаўненне падраздзяленняў, а не на паўнавартаснае забеспячэнне баявой кампаненты. А дзякуючы гэтым перамяшчэнням паміж войскамі, а таксама рэкрутынгу, мы зможам гэта зрабіць. Ужо ёсць зацверджаны план ратацый», - адзначыў ананімны суразмоўца.

З яго слоў, пастанова запусціць механізм ратацый не звязаная з магчымымі перамовамі або замарожваннем лініі фронту.

Украінскае войска, пераконвае ён, зможа правесці ратацыі і ва ўмовах вялікай вайны.