Тысячы людзей спехам пакінулі грэцкую выспу Сантарыні

• 4.02.2025, 17:38

Праз небяспеку землятрусу.

Праз сейсмічную актыўнасць у Эгейскім моры блізу дзявяці тысяч чалавек пакінулі востраў Сантарыні. Аб гэтым інфармуе TRT Haber у аўторак, 4 лютага.

З паведамленняў грэцкіх СМІ, праз інтэнсіўныя штуршкі ў рэгіёне амаль дзевяць тысяч чалавек, сярод якіх турысты і мясцовыя жыхары, пастанавілі пакінуць востраў на фоне асцярог буйнога землетрасення.

Авіякампаніі арганізавалі дадатковыя рэйсы для ахвочых пакінуць востраў, а школы на Сантарыні закрыюць да пятніцы.

Да таго ж міжнародная група экспертаў плануе ажыццявіць спецыяльнае даследаванне марскога дна з дапамогай датчыкаў.

Для гарантавання бяспечнай сітуацыі на востраў накіравалі выратавальныя і медыцынскія каманды, а таксама генератары і абсталяванне ад Грэцкай кампаніі электрычных размеркавальных сетак, каб прадухіліць магчымыя перабоі ў электразабеспячэнні падчас землятрусаў.