УСУ ўдарылі па пункце кіравання расейцаў у Курскай вобласці

• 4.02.2025, 18:12

У ворага істотныя страты.

Паветраныя сілы УСУ ўчора, 3 лютага, нанеслі высокадакладны ўдар па пункце кіравання аднаго з падраздзяленняў расейцаў. Ён знаходзіўся ў раёне населенага пункта Новаіванаўка.

Як паведаміў Генштаб УСУ ў Telegram, варожы пункт кіравання абсталявалі на тэрыторыі закінутага будынка. Ён выкарыстоўваўся для каардынацыі наступальных дзеянняў расейскіх салдат на Курскім кірунку.

- У выніку праведзенай аперацыі аб'ект атрымаў значныя пашкоджанні, што прывяло да істотных страт сярод асабовага складу супраціўніка, - адзначылі ў Генштабе.

Пры гэтым старанна спланаваная атака дазволіла мінімізаваць рызыкі для цывільнага насельніцтва.

У Генштабе падкрэслілі, што мэта складаецца ў знішчэнні ўсіх ключавых пунктаў кіравання і іншых ваенных аб'ектаў супраціўніка да поўнага спынення агрэсіі РФ.