Прэзідэнт Украіны Уладзімір Зяленскі правёў нараду аб развіццю Паветраных сіл і, перш за ўсё, украінскай авіяцыі.

• 4.02.2025, 19:34

Аб гэтым кіраўнік дзяржавы паведаміў у Telegram.

«Мы ўжо зрабілі надзвычай важкія крокі: перайшлі на F-16, якія эфектыўна выконваюць баявыя задачы дзеля Украіны. І гэта поспех нашых Узброеных Сіл Украіны, адзін з найхутчэйшых пераходаў на новы тып самалётаў сярод усіх краін. Чакаем у нашым небе таксама французскія знішчальнікі, якія пад кіраваннем украінскіх пілотаў абавязкова ўзмоцняць нашу абарону.

Цяпер трэба паскорыць мадэрнізацыю сістэмы ўкраінскай вайсковай авіяцыі. Гэта новыя кадравыя падыходы, арганізацыйныя змены і значна большая ўвага каманднага складу да пілотаў, інжынераў і ўсіх нашых людзей, якія ўкладваюць свае веды і энергію ў развіццё Паветраных сіл. У размове на нарадзе ўзяла ўдзел Лілія Авяр'янава, маці Героя Украіны маёра Андрэя Пільшчыкава (Джуса)», - гаворыцца ў паведамленні.

Прэзідэнт Украіны даручыў міністру абароны Умераву рэалізаваць пэўныя арганізацыйныя змены.

«Абмеркавалі перспектывы супрацоўніцтва з партнёрамі, працуем над кадравымі пытаннямі для ўмацавання каманднага складу Паветраных сіл і кіроўнага складу Міністэрства абароны», - рэзюмаваў Зяленскі.