У Менску запускаюць сетку пастаматаў

• 4.02.2025, 21:35

Першы з'явіўся ў ГЦ «Бонус» у Фрунзенскім раёне.

Лагістычны сэрвіс СДЭК адкрыў у Менску першы пастамат. Ён з'явіўся ў ГЦ «Бонус» у Фрунзенскім раёне. Пра гэта паведаміў партал Infotrans.

Пастамат працуе на прыём пасылак і карэспандэнцыі. Сюды можна адправіць пасылку з любога пункта Расеі. У найбліжэйшы час з'явіцца магчымасць даставіць пасылку, паклаўшы яе ў локер. Час працы пастамата – з 9 да 23 гадзіны.

Дырэктар СДЭК Руслан Вікулаў удакладніў, што хутка пастаматы з'явяцца яшчэ ў трох гандлёвых цэнтрах Менска.

Лагістычная сістэма СДЭК у Беларусі ўключае шэсць гатункавальных цэнтраў, размешчаных у Менску і абласных цэнтрах. Акрамя таго, СДЭК прадстаўлены 93 пунктамі выдачы заказаў у 34 гарадах.