УСУ ўдарылі па Голай Прыстані: знішчана больш за 10 катараў РФ

• 5.02.2025, 10:31

Месцазнаходжанне ворага і іх тэхнікі вайскоўцам перадалі партызаны.

Сілы абароны Украіны нанеслі ўдары па расейскіх мэтах каля населенага пункта Голая Прыстань, Херсонскай вобласці. Там былі знішчаны варожыя катары.

Пра гэта паведамляе «АТЕШ».

Як адзначылі ў «АТЕШ», іх агенты высветлілі месцазнаходжанне ворага і іх тэхнікі.

Гэтая інфармацыя была перададзеная украінскім вайскоўцам. У выніку было знішчана больш за 10 катараў і значная колькасць расейскіх вайскоўцаў.

«Гэтыя ўдары сталі магчымымі дзякуючы дакладнай інфармацыі, атрыманай ад нашых агентаў, якія перадаюць звесткі аб месцазнаходжанні і перамяшчэнні акупантаў», - напісалі ў «Атэш».