Якое надвор'е будзе ў Беларусі 6 лютага

• 5.02.2025, 19:12

Галалёдзіца і да -10°С.

Якое надвор'е будзе 6 лютага, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У Беларусі 6 лютага будзе воблачна з праясненнямі. Месцамі, пераважна па заходняй палове Беларусі, пройдзе невялікі снег, мокры снег, а ўдзень па крайнім захадзе з дажджом. У асобных раёнах краіны будуць слабы туман і галалёд, на дарогах галалёдзіца. Вецер няўстойлівы 3-8 м/с.

Тэмпература паветра ўночы складзе мінус 3-8, пры праясненнях да мінус 10 градусаў, а па захадзе 0-2 градусы са знакам мінус. Днём тэмпература складзе ад мінус 3 да плюс 2 градусаў.