На буйным прадпрыемстве пад Слуцкам, дзе працуюць людзі з інваліднасцю, здарыўся пажар
- 5.02.2025, 21:13
Калі прыехалі ратавальнікі, тушыць не было чаго.
Супрацоўнікі МНС увечары 5 лютага выязджалі тушыць пажар на тэрыторыі ПУП «Ямполь-Слуцк» у Слуцку, але агонь патух сам, паведамілі ва ўстанове.
«Адбылося загаранне сажы ў коміне цвёрдапаліўнага катла ў будынку сушыльнага аддзялення з наступным самазатуханнем», – расказалі ратавальнікі.
Пацярпелых няма, пажар на працу прадпрыемства не паўплываў.
На ПУП «Ямполь-Слуцк» у лютым 2024 года працавалі 140 чалавек, у іх ліку 78 людзей з інваліднасцю, 55 з іх – з інваліднасцю зроку.
Тут выпускаюць шчацінна-шчотачныя вырабы і ўборачны інвентар, яршы, малярныя валікі, рыдлёўкі, граблі, а таксама мэблю і іншыя вырабы з драўніны.