Сакрэт Полішынэля

• Тэлеграм-канал «Запретное мнение»
• 6.02.2025, 10:56

Пагаршэння стасункаў з Азербайджанам Расеі не пазбегнуць.

Паведамляецца, што ўлады Азербайджана атрымалі пацвярджэнне таго, што самалёт, які пацярпеў катастрофу пад Актау, быў атакаваны расейскай сістэмай СПА «Панцыр-С».

Казахстан перадаў азербайджанскаму боку фрагмент ракеты, які быў выняты з борта і ідэнтыфікаваны міжнароднай экспертызай.

Шчыра кажучы, гэта першапачаткова было сакрэтам Полішынэля і афіцыйны Баку быў згодны на прабачэнні з наступнай грашовай кампенсацыяй, але «бандыты не просяць прабачэння».

Крэмль даваў невыразныя каментары, больш падобныя на бязладны набор слоў, і ніяк у зробленым не раскаяўся.

Цяпер пагаршэння стасункаў з яшчэ адной дзяржавай, якая захоўвала ўмераны нейтралітэт, не пазбегнуць. Аліеў - палітык злапомны і падобнага стаўлення не даруе.

Дзіўная здольнасць правакаваць канфлікты там, дзе іх увогуле нішто не прадвяшчала. Вось у гэтым Пуцін сапраўды вялікі.

Тэлеграм-канал«Запретное мнение»