WSJ: У Трампа расце нецярпімасць да Пуціна

• 6.02.2025, 12:15

Прэзідэнт ЗША хоча прымусіць кіраўніка Крамля да саступак.

У прэзідэнта ЗША Дональда Трампа расце нецярпімасць у дачыненні да кіраўніка Крамля Уладзіміра Пуціна. Дарадцы кіраўніка Белага дома будуюць планы, накіраваныя на прымус Расеі да саступак шляхам узмацнення санкцый або зніжэння коштаў нафты.

У матэрыяле The Wall Street Journal гаворыцца, што нецярпімасць Трампа ў дачыненні да Пуціна расце. Амерыканскі прэзідэнт і яго дарадцы будуюць планы прымусу Крамля да саступак у рамках патэнцыйных перамоў з Украінай. Інструментам ціску на РФ стане або ўзмацненне санкцый, або зніжэнне кошту нафту.

Як мяркуюць журналісты, калі перамовы паміж Кіевам і Масквой сапраўды пачнуцца і будуць весціся сур'ёзна, абодва бакі сутыкнуцца з вялікай колькасцю вострых момантаў.

«Калі перамовы пачнуцца сур'ёзна, абодва бакі сутыкнуцца з мноствам вострых праблем, у тым ліку пытанне, ці захавае Расея ўсе ўкраінскія тэрыторыі, якія яна заняла падчас баявых дзеянняў, і ці атрымае Масква якое-небудзь змякчэнне санкцый», - гаворыцца ў артыкуле.