Трамп: Ізраіль перадасць Сектар Газа амерыканцам

• 6.02.2025, 16:11

Новая заява прэзідэнта ЗША.

Прэзідэнт Злучаных Штатаў Амерыкі Дональд Трамп заявіў, што Ізраіль пасля заканчэння баявых дзеянняў перадасць Сектар Газа амерыканцам.

У сваёй сацыяльнай сетцы Truth Social палітык напісаў, што для гэтага не спатрэбіцца задзейнічаць амерыканскіх вайскоўцаў. Трамп таксама паабяцаў забяспечыць стабільнасць у рэгіёне:

«Палестынцы будуць пераселеныя ў значна больш бяспечныя і прыгожыя супольнасці з новымі і сучаснымі дамамі ў рэгіёне. Яны насамрэч атрымаюць шанец быць шчаслівымі, у бяспецы і свабодзе».

Нагадаем, нядаўна амерыканскі лідар заклікаў «ачысціць» гэтую тэрыторыю, перасяліўшы жыхароў Газы ў іншыя краіны. «Ён прапануе пабудаваць ім жыллё "у іншым месцы"».