У Менску на дарозе загарэўся трактар з прычэпам

• 7.02.2025, 10:59

Відэа з вуліцы Максіма Багдановіча.

У Менску раніцай 7 лютага на дарозе загарэўся трактар з прычэпам. Відэа інцыдэнту апублікаваў сталічны блогер, перадае «Тэлеграф».

Гэта адбылося на вуліцы Максіма Багдановіча. Ці патушылі агонь, дакладна не вядома. «Быццам з агнём далі рады», - напісаў блогер Какабай.

На апублікаваным відэа заўважна, што агонь ахапіў трактар разам з кабінай, ад яго прычэпа ідзе дым. Таксама полымя відаць на дарозе (магчыма, гарыць груз).

Аб прычынах узгарання таксама пакуль не вядома. «Паведамляюць пра затор, стаім», – дадаў блогер.