«15 хвілін таму скончыўся бой пад Купянскам»

• 7.02.2025, 14:28

Камандзір УСУ распавёў, як удалося ліквідаваць бранятэхніку расейцаў.

На ўсходзе Харкаўскай вобласці УС РФ адправіліся ў чарговы штурм, але ўкраінскім абаронцам удалося своечасова выявіць і ліквідаваць сілы супраціўніка, перадае выданне "Аб'ектыў" са спасылкай на інтэрв'ю камандзіра 429-га АПБС УСУ "Ахілес" Юрыя Федарэнка.

“15 хвілін таму скончыўся бой. Супраціўнік на Купяншчыне пайшоў зноў у чарговы штурм, карусельны, з выкарыстаннем бранятэхнікі: танчык, лёгкабраняваная тэхніка, якая служыць у якасці своеасаблівага “таксі” для штурмавой пяхоты супраціўніка... Атрымалася своечасова выявіць супраціўніка”, - падкрэсліў украінскі афіцэр.

Федарэнка расказаў, што УСУ абясшкодзілі практычна ўвесь штурмавы патэнцыял УС РФ, які рухаўся ў бок нашых пазіцый.

"З чатырох адзінак бранятэхнікі супраціўніка тры былі ліквідаваны за кошт дронаў і адна за кошт супрацьтанкавага сродку", - дадаў ён.

Украінскія абаронцы працягваюць паспяхова адбіваць атакі расейскіх захопнікаў на Купянскім кірунку ды іншых участках фронту.