ЕЗ павялічыць мыты на беларускія ўгнаенні да 100%

• 7.02.2025, 16:26

Паэтапнае павелічэнне ставак пачнецца з 1 ліпеня 2025 года.

Еўрапейскі Звяз заявіў аб падвышэнні мытаў на ўгнаенні, што імпартуюцца з Беларусі і Расеі. Адпаведную пастанову апублікавалі на афіцыйным сайце Еўрапейскай камісіі (ЕК).

Паэтапнае павелічэнне ставак пачнецца з 1 ліпеня 2025 года і да 2028 года можа дасягнуць 100 адсоткаў.

Згодна з дакументам, першапачатковы ўзровень мытаў складзе 40-45 еўраў за тону, але да 2027 года ён вырасце да 80-95 еўраў, а з 1 ліпеня 2028 года можа дасягнуць 315-430 еўраў за тону. Увядзенне такіх захадаў тлумачыцца неабходнасцю дыверсіфікацыі паставак і зніжэннем залежнасці ад расейскіх і беларускіх угнаенняў.

У 2023 годзе ЕЗ імпартаваў угнаенні з гэтых краін на 1,31 млрд еўра, пры гэтым дзейная мыта 6,5% была прызнаная недастатковай. Абмежаванні не закрануць угнаенні са змяшчэннем фосфару і калію, а таксама дробную расфасоўку да 10 кг.