Паліна Шарэнда-Панасюк правядзе прэс-канферэнцыю ў Вільні

• 7.02.2025, 19:25

10 лютага а 12.00.

Актывістка грамадзянскай кампаніі «Еўрапейская Беларусь», былая палітзняволеная Паліна Шарэнда-Панасюк правядзе прэс-канферэнцыю ў Вільні.

Яна адбудзецца ў панядзелак, 10 лютага, а 12:00.

Адрас - творчая прастора Kropka, Savičiaus g. 6, Вільня.

Нагадаем, Паліна Шарэнда-Панасюк выйшла на волю 1 лютага. Фактычна яна правяла ў турме больш за чатыры гады.

Актывістку «Еўрапейскай Беларусі» затрымалі 3 студзеня 2021 года. 9 чэрвеня 2021 г. суд Маскоўскага раёна Берасця прысудзіў яе да двух гадоў калоніі, пасля чаго ёй некалькі разоў дадавалі тэрмін.

Паліна Шарэнда-Панасюк адбыла ў калоніі фактычна чатыры тэрміны: маці дваіх дзяцей, пасля вынясення першага прысуду тройчы падаўжалі турэмны тэрмін. Практычна ўвесь час за кратамі Паліна знаходзілася ў поўнай ізаляцыі. У калоніі ў яе моцна пагоршылася здароўе.