Украінскія абаронцы знішчылі рэдкую агнямётную сістэму акупантаў

• 7.02.2025, 20:25

Відэафакт.

Украінскія воіны пры дапамозе дронаў знішчылі цяжкую агнямётную сістэму «Санцапёк». Гэта даволі рэдкая цэль.

Пра гэта паведамляе 412 асобны полк беспілотных сістэмаў Nemesis у Telegram.

Як адзначылі ў палку, «Санцапёк» вядзе агонь запальнымі або тэрмабарычнымі боепрыпасамі. Напады могуць прывесці да жудасных наступстваў для ўкраінскіх воінаў і іх пазіцый.

«Вельмі рэдкая і важная цэль. Больш гэтая ўстаноўка ваяваць не будзе – едзе на металалом», – адзначылі ваяры.

Яны падзякавалі 102 асобнай брыгаде тэраабароны і іншым сумежным падраздзяленням за тое, што яны спрыялі знішчэнню варожай тэхнікі.

Таксама ў палку ўдакладнілі, што атрыманыя перахопы сведчаць, што экіпаж «Санцапёка» «падгарэў».