Родных жахнуў змардаваны выгляд ізраільскіх закладнікаў

• 8.02.2025, 14:46

Іх вызвалілі вельмі схуднелымі і змардаванымі.

8 лютага тэрарысты ХАМАСа перадалі траіх вызваленых закладнікаў - Элі Шарабі, Ора Леві і Ахада Бэн Амі вельмі схуднелымі і змардаванымі. Іх вонкавы выгляд шакаваў родных, пішуць «Детали».

Таль Леві, брат Ора Леві распавёў аб складаных пачуццях, якія адчувае яго сям'я.

«Ён выглядае вельмі, вельмі худым. Мы нават не можам уявіць, праз што ён прайшоў. Але ён вяртаецца дадому да свайго сына.

«Я падрыхтаваў для яго тэчку на кампутары з усімі фатаграфіямі [сына Ора] Альмога. Момант, калі ён адвучыўся ад падгузнікаў. Ор - вельмі моцны чалавек, у мяне няма сумневаў, што ён адновіцца».

Аелет, сястра Раз, жонкі Ахада Бэн-Амі, сказала:

«Яны выглядаюць дрэнна, ім вельмі цяжка. Ахад больш не выглядае так, як раней – колькі ж нам зараз давядзецца дапамагаць яму аднавіцца».

У офісе кіраўніка ўрада заявілі ад асобы Нэтаньяху: «Мы не пакінем без адказу жахлівыя кадры, якія ўбачылі сёння». Сам Нэтаньяху з жонкай і малодшым сынам сёння ўсё яшчэ знаходзіцца ў ЗША.

Элі Шарабі (53) і Ахад Бэн Амі (56) былі выкрадзеныя з кібуца Бээры.

Ор Леві (34) выкрадзены з фестывалю Нова. Тэрарысты забілі яго жонку Эйнаў. У пары застаўся маленечкі пяцімесячны сын Альмог - муж і жонка не ўзялі яго на фестываль, пакінуўшы ў бацькоў. Ён зрабіў першыя свае крокі без бацькі.

7 кастрычніка ў 51-гадовага Элі Шараві тэрарысты забілі жонку Ліян і дачок Ною і Яхель. Прычым невядома, ці ведае аб гэтым сам выкрадзены. Таксама тэрарысты выкралі яго брата Ёсі - ён памёр у палоне.

Жонку Ахада Бэн Амі, Раз, выкралі разам з ім, але ў лістападзе 2023 года вызвалілі ў рамках першай угоды з тэрарыстамі. Сам 54-гадовы мужчына быў 7 кастрычніка паранены ў плячо. Яго стан выклікаў вялікія асцярогі.