У Менску забіў гейзер каля станцыі метро

• 8.02.2025, 17:49

Некалькі вуліц могуць застацца без ацяплення.

У Менску прарвала трубаправод у раёне станцыі метро «Спартыўная». Адтуль хвошча гарачая вада, і па некалькіх адрасах людзі рызыкуюць застацца без ацяплення. Паломку ўжо ліквідуюць, паведамілі ў "Мінскэнерга".

"Сёння а 15.30 у сувязі з пашкоджаннем трубаправода квартальных цеплавых сетак у раёне ст.м. "Спартыўная" адбыўся выкід гарачай вады на паверхню", - гаворыцца ў паведамленні.

Магчымы перабоі цеплазабеспячэння ў менчукоў па наступных адрасах:

- вул. А.Полацкай 1, 5;

- вул. Прытыцкага, 39, 41, 43, 45, 47, 49, 51, 59;

- вул. Бельскага 24, 26;

- вул. Адоеўскага 70;

- Царква прападобнай Ефрасінні Полацкай.

Ліквідацыяй паломкі займаюцца дзве брыгады аварыйна-аднаўленчай службы філіялаў "Менскія цеплавыя сеткі" РУП "Мінскэнерга".