Украінскія вайскоўцы ўпершыню паказалі зенітныя ракетныя комплексы IRIS-T SLS

• 8.02.2025, 20:27

Спецыялісты заўважылі цікавую дэталь.

Першыя зенітныя ракетныя комплексы IRIS-T SLS былі пастаўлены ва Украіну яшчэ ў 2022 годзе. Аднак сёння ўпершыню іх паказалі, паведамляе Defence Express.

Паветранае камандаванне "Захад" сёння, 8 лютага, апублікавала аповед аб адным з баявых эпізодаў, у якім экіпажу нямецкага зенітнага ракетнага комплексу IRIS-T атрымалася збіць расейскую крылатую ракету тыпу Х-101.

У ПК "Захад" таксама апублікавалі фота зенітнага ракетнага комплексу IRIS-T, што стала фактычна першай афіцыйнай дэманстрацыяй гэтага ЗРК менавіта ў версіі блізкага дзеяння.

Аднак, самае цікавае ў апублікаваным малюнку гэта той факт, што пускавая пад чатыры ракеты грунтуецца на шасі грузавога аўтамабіля ад Iveco тыпу Eurocargo з колавай формулай 4×4.

Для разумення, у 2018 годзе вытворца сістэм IRIS-T – нямецкая абаронная кампанія Diehl Defence – дэманстравала версію SLS (Surface Launched Standard) на базе гусенічнага шасі Bv 410 з інтэграваным радарам Saab Giraffe 1X.

Годам пазней шведскае войска паказвала свой IRIS-T SLS пад пазначэннем Luftvärnsrobotsystem 98 (lvrbs 98) на базе машыны Eldenhet 98, гэта спецыялізаваная версія таго ж Bv 410, і таксама без інтэграванай РЛС.

Заўважым, што Украіна мае на ўзбраенні адразу некалькі сучасных комплексаў СПА.