«Беспрэцэдэнтныя захады»: на экс-прэзідэнта Францыі Нікаля Сарказі надзелі электронны бранзалет

• 8.02.2025, 20:51

У рамках выканання прысуду паводле справы аб карупцыі.

Былы прэзідэнт Францыі Нікаля Сарказі (2007-2012 гады) змушаны будзе насіць электронны бранзалет у рамках выканання прысуду паводле справы аб карупцыі. Як паведамляе Le Monde, гэтыя захады беспрэцэдэнтныя ў дачыненні да былога кіраўніка дзяржавы.

Сарказі, якому зараз 70 гадоў, цяпер можа выходзіць з дому толькі з 08:00 да 20:00, за выключэннем дзён судовых паседжанняў па яго новай крымінальнай справе - тады абмежаванне будзе працягвацца да 21:30.

21 сакавіка 2018 года Сарказі быў затрыманы ў Парыжы як фігурант расследавання аб незаконным фінансаванні выбарчай кампаніі, карупцыі і ўтойванні замежных дзяржаўных сродкаў. У сакавіку 2021 года Сарказі прызналі вінаватым і прысудзілі да трох гадоў пазбаўлення волі, з іх адзін год складаў рэальны тэрмін, два — умоўныя.

Следства падазрае, што Сарказі "выкарыстоўваў мінімум восем чалавек" для ціску на галоўнага сведку, каб прымусіць яго адмовіцца ад гэтых паказанняў, а таксама што былы прэзідэнт Францыі выдаткаваў на гэта 608 000 еўраў.

У 2023 годзе ён прайграў апеляцыю, а ў снежні 2024 года касацыйны суд Францыі пацвердзіў прысуд. У той жа час сам Сарказі працягвае настойваць на сваёй невінаватасці. Ягоныя адвакаты плануюць падаць скаргу ў Еўрапейскі суд правоў чалавека.

Супраць былога прэзідэнта Францыі Нікаля Сарказі былі выстаўленыя яшчэ два новыя абвінавачанні ў 2023 годзе. Яго падазраюць таксама ў ціску на галоўнага сведку па ягонай справе.

16 кастрычніка 2020 года Сарказі абвінавацілі ў стварэнні злачыннай групы.